EGO🦾
由上年喺台灣隔離嘅時候～
已經好掛住喺舞台上表演，好期待可以再有機會造一首爆炸性嘅唱跳歌🔥
所以嗰陣已經諗好咗哩首歌嘅主題同埋風格😆
-
《EGO》哩首歌描述現今網絡世界之中，好多人都以「做自己」嘅原則去盲目抨擊同侮辱別人。
但其實表達自我同互相尊重係可以共存🦾
每個人背後都有屬於自己嘅故事同困難～
當人與人之間嘅溝通存在多一點體諒，自然少一點傷害🦾
好感謝今次嘅製作班底完美地實現咗我腦海裏一直期盼嘅畫面🙏🏻
@jemachaninstagram @oscarlee @zhengang0730
多謝Edward繼續陪伴同幫助我去尋找一把屬於我嘅聲線🎤
多謝Oscar填咗一份有力而發人深省嘅詞，好感激今次你畀機會我參與創作Rap嘅部份🎼
繼《Burn Out》之後繼續同Jhen F合作，感謝你嘅好音樂！
辛苦晒你地！
-
今次MV要多謝嘅單位實在太多！
首先辛苦導演水哥 @waterchan10 對今次MV每一個set嘅著緊同背後故事嘅諗法。
知道你由頭到尾都不遺餘力，用咗好多晚做剪接、後期CG同較色🙏🏻
對住我呢個緊張大師...只能說句「辛苦了」😭
好鍾意今次MV每一個有蒙面人嘅set！
蒙面人代表著網絡上每一個用户～
但即使有人只係袖手旁觀（MV中掩眼嘅蒙面人），都係間接助長網暴嘅現象。
MV中我坐喺電椅上面，蒙面人係我面前圍觀，比喻網絡世界當中，即使無受到直接攻擊嘅時候，但一舉一動都畀人好似動物園咁監視著嘅無奈同恐懼🤳🏻
真心好鍾意今次MV嘅意思同埋比較暗黑嘅色調🦾
係我繼上一年之後嘅新嘗試🙏🏻
多謝Rock Sir @rockinair今次嘅舞蹈編排🦾
排舞中期真係有一刻好憎自己同Rock Sir講咗一句...
「今次我要超級密集超級爆炸嘅Steps，唔好畀我抖就ok㗎喇！」
哩隻舞真係好攰好攰😆人生第一次練舞練到嘔🥶
但我真係好享受每一個跳緊嘅moment！
仲要多謝八位好厲害嘅dancers🙏🏻
Lap Yin, Hong J, Leon, Beep Lok, Sai Ter, Woody, Nok, Mo
辛苦你地做埋蒙面人嘅角色！
拍攝過程大家一齊玩得好開心😛
感謝 @syanleung 同你嘅團隊為我度身訂造嘅衫🙏🏻
其實MV拍攝嗰排冇咩時間去操fit自己，辛苦你地諗盡辨法令我睇落無咁瘦😆🦾
好想credit一下台灣返黎跟 @corefitnesscoach_cm 一段時間嘅操練！
你嘅高要求逼咗我好多潛能出嚟🔥
-
多謝每一位為《EGO》付出嘅人！
多謝每一位神徒同聽眾嘅支持同關注🙏🏻
哩首歌的確令我回想岀道之後每一刻點滴，有開心有唔開心嘅時刻🔥
但《EGO》描述嘅唔單只係公眾人物嘅角度，其實我地任何一個人都有機會成為「被虐者」或「施虐者」～
希望每一位聽完哩首歌嘅朋友，一齊三思而後行，生活上散播多一點正能量。
好多時候放低自己嘅Ego，對身邊嘅人和事給予多一點體諒和關懷🦾
MV已經喺Mirror Youtube推岀了～
(Check my bio link)
期後會陸續推出Dance Version同MV Vlog！
希望大家喜歡《EGO》🦾
-
#EGO
Search